廣東話

正話係FB度聽到一首農夫嘅歌
叫做《偉大航道》
好好聽，好有意思嘅一首歌
哈哈
睇住佢嘅歌詞
全部都係廣式中文
跟住突然諗到有時候同我班上嘅香港同學msn嘅時候
都會用下廣式中文
結果就好想用下呢種中文嚟寫下blog
因為冇試過嘛
哈哈
所以，就寫左呢篇文章啦...

其實我覺得，廣式中文正係睇系睇唔明嘅
要讀出嚟先會明白人地係度講乜嘢
仲有就係，我其實覺得廣式中文可以隨便用字嘅咯
譬如話有乜字係唔識寫嘅話，
就隨便用同音字補落去就得咗
反正人地讀出嚟知道就知道你係度講乜左
哈哈
不過事實上係唔係咁樣我就唔知啦
因為據我所知香港人都唔係用拼音輸入法嘅
佢地唔係用倉頡就係用手寫
所以我覺得佢地打字有某程度嘅慢...

記得舊年，忘記咗係上學期抑或係上上學期
有一位台灣學姐msn搵我幫手
因為佢係度同一個香港學弟傾msn
但係因為個香港人用廣式中文同學姐傾
整到學姐睇唔明佢究竟係度講乜
結果...我就做咗佢地嘅翻譯員
將廣式中文翻譯成中文俾學姐睇
哈哈
好特別嘅一個經驗

話事話，我覺得我呢篇文章對個D唔識廣東話嘅人嚟講
應該是一篇外星文
因為呢篇嘢真係要讀出嚟先明白我係度講乜
不過冇所謂啦，我又唔係成日用呢種中文嚟寫文章嘅
呢次只係咁咦玩下姐...
哈哈

最後，送上正話我講嘅
嗰首好好聽嘅農夫嘅歌
《偉大航道》咯～
注意歌詞，好有意思驾...

最鍾意嘅幾句歌詞就係：

望下個天  咁好天  去下海邊  因為到你大個就會忘記乜嘢係大自然

原來做功課好簡單  做人好難

出世嗰一刻就係上天對你嘅肯定

路從來都係好難行  但係無論幾難行都好  我一定會係度陪你

其實你嚟到呢個世界  係一個安排  你會俾你想像中更加偉大